मनाङ
मनाङबाट प्रतिनिधिसभा सदस्यमा नेपाली कांग्रेसका टेकबहादुर गुरुङ विजयी भएका छन्। उनले २ हजार ४१५ मत प्राप्त गर्दै जित हात पारेका हुन्। उनका प्रतिस्पर्धी नेकपाकी यशोदा सुवेदीले भने ४४६ मत मात्रै ल्याइन्।
यद्यपि निर्वाचन जिते पनि गुरुङले तत्काल सांसदको शपथ लिन भने नपाउने भएका छन्। भृकुटीमण्डपस्थित समाज कल्याण परिषद्को जग्गा भाडामा दिँदा भएको अनियमितता प्रकरणमा विशेष अदालतले उनलाई भ्रष्टाचारको मतियार ठहर गरिसकेको छ।
विशेष अदालतले २०७९ फागुन १५ गतेको फैसलामा गुरुङलाई दोषी ठहर गर्दै उनीबाट १ करोड २१ लाख रुपैयाँ असुल गर्नुपर्ने निर्णय सुनाएको थियो। सो मुद्दा हाल सर्वोच्च अदालतमा विचाराधीन अवस्थामा छ।
यस कारण कानुनी प्रक्रिया टुंगो नलागेसम्म गुरुङले सांसदको रूपमा शपथ ग्रहण गर्न नपाउने अवस्था रहेको छ।
