सिलगढी/नेपाल आयल निगमले फेरि एकपटक पेट्रोलियम पदार्थको मूल्य समायोजन गरेको छ। निगमले गरेको निर्णयअनुसार आज रातिदेखि डिजेल र मट्टितेल चार रुपैयाँले सस्तो हुने भएका छन् भने आन्तरिक उडानका लागि प्रयोग हुने हवाई इन्धन एक रुपैयाँले घट्नेछ। अन्तर्राष्ट्रिय उडानतर्फ पनि मूल्य समायोजन भएको छ र अब काठमाडौँका लागि प्रतिकिलोलिटर अमेरिकी डलर सातले सस्तो पर्छ। पेट्रोल र खाना पकाउने ग्यास भने यसपटक स्थिर राखिएको छ। नयाँ मूल्य लागू भएपछि डिजेल/मट्टितेल क्रमशः १४२ रुपैयाँ ५० पैसा, १४४ रुपैयाँ र १४५ रुपैयाँ पर्नेछन्। आन्तरिक उडानको हवाई इन्धनको मूल्य प्रतिलिटर १२७ रुपैयाँ तोकिएको छ भने अन्तर्राष्ट्रिय बजारमा काठमाडौँका लागि अमेरिकी डलर ९६६ कायम भएको छ। निगमका अनुसार इन्डियन आयल कर्पोरेसनले मूल्य घटाएपछि नेपालमा पनि स्वाभाविक रूपमा समायोजन गरिएको हो।